Дневен брокерски извештај - 10 јули 2009

Втор ден растат цените на македонските акции. За разлика од најголемиот дел од светските и регионални берзи, денеска повторно пораснаа цените кај нас. Прометот остана во рамките на последниве неколку денови, односно изнесуваше скромни 7,4 милиони денари. Од тие, 4,44 милиони беа реализирани во купопродажба на државни обврзници. Тоа значи дека и денес многу малку се тргуваа акции. Најголем, или околу половина од прометот со акции го направи Алкалоид со 301 истргувана по 4.339 денари во просек, односно со пораст од 1,17%. Втора најтргувана беше Комерцијална банка со 533 илјади денари и 222 истргувани акции. Нивната цена остана непроменета од вчера, односно сите се истргуваа по 2.400 денари. Во МБИ-10 најмногу, за 3,515 порасна Макстил со 870 акции по 143 денари. Втора по раст во МБИ со 1,99% беше Топлификација со 75 истргувани акции по 3.699 денари. Најголем дневен пораст имаше Жито лукс од цели 6,43% и 300 истргувани акции по 244,8 денари. Најголем дневен пад имаа акциите на Попова Кула. Беа истргувани 7.000 акции по 25,29 денари во просек. Втора по пад беше Македонија турист со пад од -8,30% и само 10 истргувани акции по 2.751 денар.

Можеби да потраеше тргувањето уште некој саат и кај нас ќе се појавеа продавачи на пониски цени кои ќе се погрижеа да не биде исклучок македонскиот индекс. Вака полунасмеани одиме на викенд.