Дневен брокерски извештај - 17 јули 2009

Седум денови по ред растеше вредноста на МБИ-10 индексот, а осмиот беше во загуба. Прометот изнесуваше скромни 5,5 милиони денари од кои 2,4 беа реализирани во тргување со обврзници. МБИ-10 падна за -0,87%, МБИД порасна занемарливи 0,05% и ОМБ падна -0,5%.

Од акциите денеска најтргувана (ако така може да се каже) беше Комерцијална банка со 256 истргувани акции за само 648 илјади денари. Цената во просек падна за -0,69% и изнесуваше 2.532,5 денари. Втор најтргуван беше Македонски телеком со промет од 450 илјади денари и 1.197 акции. Нивната цена денес растеше за 2,42%. Трет по промет беше Алкалоид со нецели 400 илјади денари и само 90 истргувани акции. Нивната цена во просек падна за -1,31%. Охридска банка, по вчерашниот пад, денеска растеше 5,03%, а беа истргувани 200 акции по 1.850 денари.

Најголем дневен раст забележаа акциите на ИЦН. Купувачите беа наредени на 200 денари и со тоа ја пораснаа цената за 31,58%, а беа истргувани само 358 акции за 71,6 илјади денари. Најголем дневен пад имаше Скопски пазар. Со 7 акции истргувани по 10.000 загубата изнесуваше -23,08% денеска.

Што повеќе да се напише за петок во средина на туристичката сезона.