Уметноста да се облечете секси но и пристојно на работното место

Како  се совладува уметноста да бидеме облечени истовремено и секси и пристојно на работното место?
Пристојното нека оди по ѓаволите! Суштината на проблемот повеќе е како да се облечеме доволно секси за да му помогнеме на развојот на кариерата. Колку добро деколте и да имате (ако спаѓате во односните среќнички), сепак несомнено не сакате тоа да ги расипе вашите шанси за успех. Воопшто не мрштете се! Еден мој познат извршен директор, кого со мирна душа можам да го наречам персонификација на вишата гилда, вели дека нема ништо против да гледа цели акри обилна плот на сцената или во текот на доцните коктели, но буквално го втресува кога ќе види нешто слично на другата страна на масата за утрински состаноци.

Но ако сте доволно итра, можете да имате се – и успех во кариерата, и однесување на вистинска дама, и аура на сексапилна женска, и тоа во самото срце на строгиот офис!
Да. Нашата прва задача е да разјасниме што точно претставува сексапилот. За да биде секси, на една девојка просто треба да и се допаѓаат мажите, и тоа многу, и да ужива во фактот дека е жена. Тоа е се! Ништо сложено!

Да, вистина е дека некои остроумни префинетости го помагаат пројавувањето на сексапилот, но треба да знаете дека, штом луѓето велат за вас дека се облекувате добро, тоа е еднакво на признанието дека се облекувате сексапилно.

Тоа не значи дека не постојат девојки што изгледаат сексапилно и без најмалку вкус за облекување, но тоа е сосема друго прашање. Сега не зборуваме за нив. Во нашиот случај важно е тоа што таквите девојки уште повеќе ќе ги заскокоткаат плунковие жлезди на мажите ако научат и добро да се облекуваат. Сексапилните дами од памтивек привлекуваат поголем интерес отколку сексапилните несмасници.

Од горенаведеното следува дека вашата цел  е сега да се научите да се облекувате убаво. Па тогаш, што е прифатливо а што е неприфатливо за офисот во така поставената рамка! Постојат ли нешта што претставуваат забранета територија ? Да, се разбира. Пулејките, изобилството тантела, крупната и дречлива бижутерија, голите грбови, проѕирните ткаенини, ниската половина и голите стомаци се само почеток.

Имаше  времиња кога во сите канцеларии и служби очекуваа од своите службенички да изгледаат како безлични страчки. А уште порано, на пример во 1908 година, самото присуство на жени во канцеларијата се сметало за премногу предизвикувачко за да се очекува од нив да ги наметнуваат своите лица и фигури. Оттогаш наваму, за среќа, работите се значително изменети, но некои луѓе како се уште да живеат на почетокот на дваесеттиот век.

Во својата книга „ Манирите на бизнисот“ , Елизабет Грег Макгибен им го дава следниот совет на жените : „Колку помалку сте забележливи толку подобро!“ Како да не ! Кој е тој шеф што се испотил милион пати додека да ја најде најзаслепувачката девојка меѓу кандидатките, што ќе сака да ја бара меѓу ѕидовите на својот офис со волшебно стапче за да и го издиктира следното писмо?! А ако спаѓа во мажите што се стреснуваат од поубавите претставнички на женски пол, девојката со побујни гради сигурно ќе мора да носи оклоп за да не го срамисвојот шеф.

Со таква секретарка секој шеф со самопочит или ќе пукне или ќе ги поминува деновите барајќи го отворачот за конзерви.
„Првата задача на секоја жена е да си разјасни како точно изгледа! Сигурна сум дека половина од жените кои како луди купуваат нови алишта во времето на паузите за ручек, немаат апсолутно никакава претстава што точно им треба!“ А ако не сте во состојба да направите праведно самооценување,  обратите за помош на некој близок пријател или на саканиот. Но без да очекувате од нив излишни комплименти. Уредничката на едно женско списание предлага, кога тоа прашање му го поставувате на некој свој близок или на пријател, да си ја покриете главата со ќесе со две дупки за очите.

Еве кои се основните показатели според кои можете да се ориентирате за својата фигура. Тип А: ниско и заоблено маче. Тип Б: фино, ситно елфче. Тип В: стројна, висока и женствена грчка статуа. Кон така наброените типови се додаваат и секундарните белези како должината и ширината на нозете, нивната пропорционалност спрема телото, изгледот на телото, ширината и формата на рамената, присуството или отсуството на половина и пропорциите меѓу неа, колковите и рамената.

Ако сте висока метар и педесет и пет, многу е голема веројатноста дека си избирате несоодветни алишта од типот „божицата на ловот Дијана“. Но штом еднаш ќе ја осознаете својата фигура и ќе се синхронизирате со неа, со сигурност ќе подавате рака кон соодветните алишта за себе. Откако ќе навлезете во опсегот на алиштата што се создадени за вашето тело, постепено ќе почнете да избирате и фустани во согласност со имиџот што сакате да го сугерирате.

Откако сте постигнале хармонија со себе, како и со своето тело и со својата фигура, пред вас се оцртуваат безброј алтернативи и можности за формирање на вкусот. Постојат списанија за модата, модни страници во весниците, модни емисии на телевизија (кои стануваат се подобри и со се подобар стил).

Вашето око незабележливо почнува да ги лови жените со стил околу вас, интересните акценти од витрините и модните ревии, инсертите од филмовите и од телевизискиот екран. Според Ед Клајн, дизајнерка на некои од најсексапилнитемодни примероци за вработени девојки во светот, најдобра пријателка на вработената девојка е добрата продавачка.