Најдобри бизнис дестинации во 2009 година

Според ранг-листата на угледниот  магазин Форбс, Данска е земјата која во 2009 била најдобра за водење бизнис. Во истражувањето биле опфатени 127 држави а Данска втор пат едноподруго се наоѓа на врвот.  Зад нејзе се наоѓаат САД, нешто слично како и во 2008 година.
На третата позиција е Канада додека четврти е Сингапур а Нов Зеланд, петти, кој направил напредок од цели пет места во однос на 2008. Во првите десет земји најдобри за водење бизнис следуваат Велика Британија, Шведска, Австралија, Хонк Конг и Норвешка.

Според редакцијата на Форбс, во истражувањето не биле земени предвид економскиот раст, процентот на невработеност, растот на БДП и слично. Во критериумите за рангирањето на државите биле опфатени, критериумите кои директно или индиректно влијаат на водењето бизнис. Најчесто се споредувале, степенот на слобода, грижата за инвеститорите, нивото на корупција, сигурноста во банкарскиот систем и слично.

Од Форбс забележуваат дека во кризната 2009 година најлесно минале оние економоии кои не останале доследни на ниските даноци, слободната трговија и ограничената администрација, мерки со кои не го отежнале и онака тешкото водење бизнис.

Ранг   листа :
1.Данска
2.САД
3.Канда
4. Сингапур
5.Нов Зеланд
6.В.Британија
7.Шведска
8.Австралија
9.Хонг Кoнг
10.Норвешка